"ඖෂධ පැලෑටි වලින් ලක් වැසියන්ට කිසිම අඩු පාඩුවක් නැත බෙහෙතක් ගතයුතු කල ඔවුන් යා යුත්තේ කැලෑවටය, එහි ඕනෑම බෙහෙතක් ඇත. එහෙයින් කැලෑව ඔවුන්ගේ බෙහෙත් ශාලාව වන්නේය. කැලේ වැවෙන බෙහෙත් පැලෑටි වල කොළ,පොතු,අතු යන මේවා එකතු කර සාදා ගන්නා පත්තු ආලේප වශයෙන් භාවිතා කරති. දුස්සාධ්‍ය වූ නොයෙකුත් රෝග මෙම ඔසු වලින් සුව වන්නේය. " "බොහෝ විට සිංලයන් ඔවුන්ගේ ලෙඩට ප්‍රත්‍යක්ෂ ප්‍රතිකර්ම වශයෙන් භාවිතා කරන්නේ යන්ත්‍ර මන්ත්‍ර ගුරුකම් හා යකැදුරුකම් ය. මේ රටේ එක් විශේෂයක් ඇත. එනම් රටේ හැමෝම වෙද්දුය. මේ රටේ එ සදහා වෙන වෙනම නම් දැරූ විශේෂ වෛද්‍ය වරු හෝ ශල්‍ය වෛද්‍යවරු නැත්තාහ. කශාය බෙහෙත් ගැන සහ කැඩුම් බිදුම් පෑස්සුම් ගැන කොයි කාටත් සාමාන්‍ය පලපුරුද්දක් ඇත්තේය. " "සිංහලයන් සර්ප විෂ බස්වන්නට හා සර්පයන් සපා කැමෙන් වලකින්නට මන්ත්‍ර ගුරුකම් කිරීමෙහි ගජ සමත්තුය. " "රොබට් නොක්ස්" නම් බ්‍රිතාන්‍ය ජාතිකයා විසින් රචනා කරන ලද "නොක්ස් දුටු ලංකාව" යන ග්‍රන්ථය කියවා ඇති අයෙකුට ඉහත උපුටා ගැනීම් අරුමයක් නොවනු ඇත. කන්ද උඩරට රාජධානිය පැවතියේ ඉතා ඈත අතීතයේ නොවේ. ක්‍රි.ව. 1...