ගුප්ත

එක්සත් රාජධානියේ ලන්ඩන් නගරයේ තේම්ස් නදියට මුහුණලා අලංකාර මන්දිරයක් පිහිටා තිබේ. එය හැම්ප්ටන් කෝට් මන්දිරය ලෙස නම්කර ඇත. 16වන සියවසේ ඉදිකරන ලද මෙය අවසන්වරට වාසස්ථානය බවට පත්කර ගනු ලැබුවේ දෙවැනි ජොර්ජ් රජතුමා විසිනි. ඔහුගෙන් පසු දිගු කාලයක් පාවිච්චියට නොගත් හැම්ප්ටන් කෝට් මන්දිරය මේ වනවිට සංචාරක ආකර්ෂණය දිනාගත් කෞතුකාගාරයක් බවට පත්ව තිබේ. නවීන තාක්ෂණ ක‍්‍රමවේදත් සමග හැම්ප්ටන් කෝට් මන්දිරයට සී.සී.ටී.වී. ආරක්ෂක කැමරා පද්ධති සවිකරනු ලැබුවේ 2003 වසරේදීය. නමුත් මෙතෙක් හැම්ප්ටන් කෝට් මන්දිරය වටා තිබූ සියලූම හොල්මන් සහ අවතාර කතා පිළිබඳව මිනිසුන් තුළ අලූත් හැගීමක් ඇතිවෙන්නට පටන් ගනු ලැබුවේ ඉන් අනතුරුවය. මෙම කැමරා පද්ධතිය සවිකිරීමෙන් පසු දින හතරක් තුළ අවස්ථා හතකදී කැමරා පද්ධති හයකට විවිධ ප‍්‍රහාර එල්ල වුණි. නමුත් ඒවා එල්ල කළ පුද්ගලයෙකු පිළිබඳව එම කැමරාවල පවා කිසිදු ආකාරයකින් සටහන්වී නොතිබීම පුදුමයට කරුණක්ව තිබිණි. දිනක් සවස 7ට පමණ සීසීටීවී ආරක්ෂක කැමරා පද්ධතියේ පාලක පුවරුව අසළ සේවයේ යෙදෙමින් සිටි ආරක්ෂක නිලධාරියෙකුට අමුතුම ආකාරයේ රුවක් දැකගන්නට ලැබිණි. ඒ යම්කිසි කෙසග පුද්ගලයෙකු මන්දිරය ...

රාත්‍රිය වැසි සහිත විය. මහ සුළඟට ගස්‌ වැල් ඇඹරෙන හඬ ද වැසි දියෙන් ප්‍රමෝදයට පත් ගෙම්බන්ගේ තොරතෝංචියක්‌ නැති කරච්චලය ද හිතට එක්‌ කළේ තරමක චකිතයකි. "ගේ ඉස්‌සරහ අඹ ගහ ගෙට හොඳටම ළගයි. කඩා වැටෙයිද මන්දා. ඔය කෙහෙල් මල කපලා දාන්න ඕනෙ." ඒ මා සිත ඇති වූ සිතුවිල්ලකි. මධ්‍යම රාත්‍රිය වීත් මා මෙතෙක්‌ වෙලා නිදි වර්ජිතව සිටින්නට සිදු වූයේ අසල් වැසියකු විසින් අලුත්වැඩියාවක්‌ සඳහා මා වෙත ලබා දුන් පරණ ගුවන් විදුලි යන්ත්‍රයක්‌ සාදා නිම කිරීම සඳහාය. දැඩි ප්‍රයත්නයකින් පසුව එය යථා තත්ත්වයට පත් කර ගත්තද මේ අකුණු සහිත රාත්‍රියේ ගුවන් විදුලි යන්ත්‍රය අත්හදා බැලීමට නොගියේ එය මරුවාට අත වැනීමක්‌ වූ නිසාය. රාජකාරියට අමතරව නිවාඩු අවස්‌ථාවන්වලදී මම මෙවැනි දේ කිරීමෙන් තෘප්තියක්‌ ලැබුවෙමි. ගාමිනී මාමා මාගේ පියාගේ සමකාලිනයෙකි. එකල ඔහු සේවය කළේ දිවුලපිටියේ ලංගම බස්‌ ඩිපෝවේ ගබඩා පාලකයකු ලෙසිනි. තරමක මානසික රෝගයකින් පෙළුණු ජෝන් අපූරු මිනිසකු විය. මා ඔහු හඳුනන්නේ මාගේ පියාගේ හැඳුනුම්කමටත් වඩා ජෝන් මාමාගේ දෙවෙනි පුත්‍රයා වූ රෂින්ත නිසාය. පාසල් සමයේ සිට සැපට දුකට මා සමඟ එකට සිටියේ රෂින්ත වූ නිසාම ජෝන් මාමා ම...